*ನವದೆಹಲಿ* : ಈ ವರ್ಷದ ಸಾಲಿನ ಕ್ಯುಎಸ್ ವರ್ಲ್ಡ್ ಯೂನಿವರ್ಸಿಟಿಗಳ ಪಟ್ಟಿಯನ್ನು ಪ್ರಕಟಿಸಲಾಗಿದೆ. ನೂರಕ್ಕೂ ಹೆಚ್ಚು ದೇಶಗಳಿಂದ 1,500ಕ್ಕೂ ಹೆಚ್ಚು ಶಿಕ್ಷಣ ಸಂಸ್ಥೆಗಳು ಈ ಪಟ್ಟಿಯಲ್ಲಿದ್ದು, ಅಮೆರಿಕದ ಮಸಾಚುಸೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎಂಐಟಿ) ತನ್ನ ಅಗ್ರಸ್ಥಾನ ಉಳಿಸಿಕೊಂಡಿದೆ. ಭಾರತದಲ್ಲಿ ಐಐಟಿ ದೆಹಲಿ ಅಗ್ರಸ್ಥಾನಕ್ಕೇರಿದೆ. ಈ ಪಟ್ಟಿಯಲ್ಲಿ ಅನೇಕ ಭಾರತೀಯ ಯೂನಿರ್ಸಿಟಿಗಳು ಮೊದಲ ಬಾರಿಗೆ ಸ್ಥಾನ ಪಡೆದಿವೆ. ಈ ಕ್ಯುಎಸ್ ರ್ಯಾಂಕಿಂಗ್ ಪಟ್ಟಿಯಲ್ಲಿ ಬರೋಬ್ಬರಿ 54 ಭಾರತೀಯ ಶಿಕ್ಷಣ ಸಂಸ್ಥೆಗಳಿವೆ. ಐಐಟಿ ಡೆಲ್ಲಿ ಎರಡು ವರ್ಷಗಳ ಹಿಂದೆ ಹತ್ತಿರ ಹತ್ತಿರ 200ನೇ ಸ್ಥಾನದ ಸಮೀಪದಲ್ಲಿತ್ತು. ಎರಡು ವರ್ಷದಲ್ಲಿ 70ಕ್ಕೂ ಹೆಚ್ಚು ಸ್ಥಾನ ಮೇಲೇರಿದೆ. 2024-25ರ ಪಟ್ಟಿಯಲ್ಲಿ ಐಐಟಿ ದೆಹಲಿ 150ನೇ ಸ್ಥಾನದಲ್ಲಿತ್ತು. ಈಗ 2025-26ರ ಪಟ್ಟಿಯಲ್ಲಿ 123ನೇ ಸ್ಥಾನಕ್ಕೇರಿದೆ.
ಭಾರತೀಯ ಯೂನಿವರ್ಸಿಟಿಗಳ ಪೈಕಿ ಐಐಟಿ ಡೆಲ್ಲಿ ನಂತರದ ಸ್ಥಾನ ಐಐಟಿ ಬಾಂಬೆ ಮತ್ತು ಐಐಟಿ ಮದ್ರಾಸ್ನದ್ದಾಗಿದೆ. ಅವು ಕ್ರಮವಾಗಿ 129 ಮತ್ತು 180ನೇ ರ್ಯಾಂಕಿಂಗ್ ಹೊಂದಿವೆ. ಕಳೆದ ಬಾರಿಯ ಪಟ್ಟಿಯಲ್ಲಿ ಐಐಟಿ ಬಾಂಬೆ ಭಾರತೀಯ ಯೂನಿವರ್ಸಿಟಿಗಳಲ್ಲಿ ನಂಬರ್ ಒನ್ ಎನಿಸಿತ್ತು. ಈ ಟಾಪ್ 10 ಕ್ಯುಎಸ್ ಪಟ್ಟಿಯಲ್ಲಿ ಏಷ್ಯಾದ ಒಂದೇ ಯೂನಿವರ್ಸಿಟಿ ಇರುವುದು. ಅಮೆರಿಕ ಮತ್ತು ಇಂಗ್ಲೆಂಡ್ ಆಚೆ ಎರಡು ಯೂನಿವರ್ಸಿಟಿಗಳಿಗೆ. ಸಿಂಗಾಪುರ ಬಳಿಕ ಸ್ವಿಟ್ಜರ್ಲೆಂಡ್ನಲ್ಲಿ ಒಂದು ಯೂನಿವರ್ಸಿಟಿ ಮಾತ್ರವೇ ಟಾಪ್-10ನಲ್ಲಿ ಇರುವುದು.
0 Comments